არტ პროექტი

ქარი უბერავს იქ სადაც სურს საჯარო ხელოვნების პროექტის „უარე ქალაქს 2016“ ფარგლებში დედაენის ბაღში განთავსდა არტისტთა ჯგუფის Echo Form სინათლის ინსტალაციას “ქარი უბერავს იქ სადაც სურს“. „უარე ქალაქს 2016“ არის პროექტი რომელიც თბილისის ურბანულ სივრცეში არსებულ გამოწვევებს საჯარო ხელოვნებით პასუხობს. ღია კონკურსის წესით სამი გამარჯვებული პროექტი გამოვლინდა, რომელთაგან ერთ-ერთია Echo Form-ის ინსტალაცია დედაენის ბაღში.

ეკო იმპულსი ლუკა ცეცხლაძის ინსტალაცია საჯარო ხელოვენების პროექტი "ეკო იმპულსი" მიმართულია ურბანულ გარემოში არსებული ეკოლოგიის გამოწვევების ილუსტრაციისა და საჯარო სივრცეში შემოქმედებითი იმპულსების გაჩენისკენ. 2016 წელს ორგანიზაციამ "იარე ფეხით" გამოაცხადა ღია კონკურსი რუსთავში საჯარო ინსტალაციის განსათავსებლად. კონკურსის გამარჯვებულის, ლუკა ცეცხლაძის ნამუშევარი "მამა, შვილი, მეზობელი" დროებით განთავსდა რუსთავის პარკში.

ნამუშევარი შეიქმნა საჯარო ხელოვნების პროექტის ‘უარე ქალაქს 2016’-ის ფარგლებში. ‘კედელი, ბიაზი, პარკეტი’ შედგება ყაზბეგის გამზირის N22-ში მდებარე ‘ჰემატოლოგიისა და სისხლის გადასხმის ინსიტუტის’ შენობის ნაწილებისაგან, რომლებიც საგამოფენო სივრცედ ტრანსფორმირებულ სანაპიროს N8 მდებარე ყოფილი ავტობუსების სადგურზეა წარმოდგენილი. ნგრევის პროცესში მყოფი საბჭოთა პერიოდის შენობის - სისხლის გადასხმის ინსტიტუტის ადგილს ცათამბჯენები დაიკავებს.

საგუშაგო - კოკა ესაიაშვილის, სალომე სორდიას, ზურა ცოფურაშვილის და ივეტა ჩხიკვაძის ინსტალაცია. ნამუშევარი დროებით განთავსდა თბილისის ვაკის პარკში პროექტის „უარე ქალაქს 2016“ ფარგლებში. „უარე ქალაქს" არის საჯარო ხელოვნების პროექტი, რომელიც თბილისის ურბანულ სივრცეში არსებულ გამოწვევებს ხელოვნებით პასუხობს. საგუშაგო - ღია კონკურსის წესით გამოვლენილ გამარჯვებულებს შორის, ერთ-ერთი ინსტალცია გახლდათ.

კონკურსების უარე ქალაქს 2016 და ეკო იმპულსის შესახებ

აუდიოვიზუალური ნამუშევარი ტექსტურები Pantellei - ის და Hanker-ის ერთობლივი პროექტია. ეკრანზე ციმციმებს ქალაქის ფრაგმენტები ღამის განათება, ბეტონის, რკინის კონსტრუქციები, ხეები... არტისტები ღამის დაცარიელებული თბილისის მოძრავ, თითქმის აბსტრაქტულ კადრებს, მუსიკალურ რითმებს იყენებენ და აჩვენებენ მას ბუნებასთან ერთად.

ორგანიზაციამ იარე ფეხით Popiashvili Gvaberidze Window Project-ის მხარდაჭერით განახორციელა ვიდეო ჩვენებების სერია ურბანული კოლაფსი. 

 გამარჯვებული არტისტები და არტპროექტების კურატორი ნატო ბაგრატიონი სტუმრად გადაცემაში "სხვა შუადღე"

"ქვეითთა არტ პროექტი" 2014
ქიტო ჩხაიძე - ინსტალაცია "BLACK"
(ვაკის პარკი)